ولا شي

حبر الورق شي وإحساسنا شي
شتان ما بين الثرى والثريا
ما كنك إلا الشمس وتطارد الفي
وما كني إلا البرد والنار حيا
كنك ظلام يسكنه هاجس الضي
ونجوم وصلي في ظلامك خفيا
جيتك وله وإحساس ما يشبهه شي
جيتك حلاوة قوت والجوع عيا
جيتك جنوح السلم في مواجه الغي
وطعونك اللي في المحاني طريا
جيتك دفي من واقع البرد يا هي
جيتك ربيع الأرض والموت فيا
جرح الورق يا سيدي كثرت الطي
وانا جروحي من عذابك عتيا
يا ناظري هذا الجفاء يألم الحي
ولا عاد ينفع في الوجع ألف كيا
مديت لك كفي وله وأنت مو لي
وكتبت لك حرفا بكا في يديا
تعبت والله والوفاء خان تاليّ
بــــودعك وأنت لغيابي تهيا